অত্ৰেয়ী গোস্বামী
জীৱনটো
ভগাওঁতে দুফাল হ’ল
নিজৰ
ভাগত পৰিল আধা৷
চকুত
পোহৰ পৰিল
কপালত
বহিল সৰলৰেখা৷
এন্ধাৰতো
সঠিক হিচাপ
ক’ত কেই
গজ কিমান আধা!
দুটা
অৰ্ধবৃত্ত লগ হ’ল
গপচ হৈ
বহিল এটা বৃত্ত
তাতো
আধা ছায়া, আধা মায়া
ইমান
টনা-আঁজোৰা!
হৈ চৈ
লাগিল
তাতো
আধা হাঁহি, আধা কান্দোন
চাৰিআলিতে
কোনোবাই থৈ গ’ল এটা
মেটুৰামেটুৰি
চচপেন৷
হেতা-ওপৰা
লাগিল
কোনে
কি পালে কোনেও নাজানিলে
আধা অমৃত,
আধা বিহ
যেনেকৈ
যি পালে তাকে গিলিলে
আধৰুৱা
উশাহত
আধাটোপাল
পানী সকলোৱে পালে৷
পিয়াহ
আধা
ভোক আধা
ভোগ শূন্য৷
ঠিকনা :
বিবিজান, তিতাবৰ
যোৰহাট- ৭৮৫৬৩০
ফোন : ৯১০১৫৩৫৭৭৩