শিশু কবিতা অক্টোবৰ

যুদ্ধ

হজৰত আলী

দুয়োপাৰি দাঁতৰ যুঁজত তামোল হয় গুড়ি, 
আইতাই তামোল চোবায় চপক চপক কৰি। 

কঁকাল বেঁকা ককায়েকে মূঢ়া এটাত বহি,

লাঠিৰ লগত যুদ্ধ কৰোঁতে কাপোৰ পৰিল খহি ৷

নাতিয়ে কয়, আইতা সাধু এটা কোৱাঁ,
পাৰিলে এবাৰ মোক কোলাত তুলি লোৱাঁ ৷

আইতাই কয় নাতিপোনা লৰ মাৰি আহাঁ,
তোমাক সাধু কোৱাটো মোৰ প্ৰতিদিনৰ বেহা ৷

ককাই আহি পাটীত বহি নাতি ল’ৰাক মাতে,
ককা-আইতাই গল্প কৰে নাতি ল’ৰাৰ স’তে ৷

আইতাৰ সাধু নাতি ল’ৰাই ভাল বুলি কয়,
ককাই মিছা খং কৰি পেন্দোৱাকৈ চায়।৷

বুঢ়া তুমি নাতি ল’ৰাক খং কিয় কৰাঁ,
তোমাৰ স’তে যুদ্ধ হ’ব যদি এনে কৰাঁ।

কঁকাল বেঁকা হৈছোঁ বুলি নাভাবিবা বুঢ়ী,
তোমাৰ নাতি মোৰো নাতি লব লাগে গঢ়ি।

……..

ঠিকনা :  

গাঁও আৰু ডাক :  নায়েৰ আলগা – ৭৮৩৩৪৮

জিলা : ধুবুৰী, অসম

ম’বাইল : ৮৬৩৮৬২৩১২০

—————————-

অ-ফলাৰ পদ্য়

গীতাঞ্জলি বৰকটকী  ভাগৱতী