মাত-কথা

দিগন্ত কুমাৰ বড়া

কাউৰীয়ে ৰমলিয়ায় কা কা কৰি।

ফেঁচাবোৰে কুৰুলিয়ায় গছৰ ডালত বহি।।

মৌ-মাখিৰ গুণ্ গুণ্, পাৰই দিয়ে ৰুণ।

সাপৰ ফোঁচফোঁচনি আঁতৰৰ পৰাই শুন।

শিয়ালে হোৱা দিছে বাঁহনিৰ আঁৰত।

কুকুৰটোৱে ভুকি আছে পদূলি
মুখত।।

ম’হটোৱে টেঁটাইছে পথাৰৰ মাজত৷

ছাগলীয়ে বেবাইছে পেটৰ ভোকত।।

গৰুৰ হেম্বেলনি, কুৰুৱা চৰাইৰ ৰাও।

ঘোঁৰাটোৱে হেঁহায়, কয় কেঁচা বুট
খাওঁ।।

বাঘৰ গোঁজৰণিত হাবিখন কঁপে৷

ভেকুলীয়ে টোৰটোৰাই বৰষুণ মাতে।।

হাতীৰ চিঞৰ শুনি জিৰাফ নিমাত৷

দেচোন কোনে পাৰ মেকুৰীৰ মাত।।

 

ঠিকনা :